Nikabat sa P188,100 ang nakumpiska nga smuggled cigarettes gikan sa usa ka suspek human adunay gipahigayon nga checkpoint operation sa Barangay Poblacion, Malapatan, Sarangani Province.
Sa inisyal nga report sa Malapatan Municipal Police, kasamtangan nga nagpahigayon sila og checkpoint kauban ang laing mga unit sa kapulisan diin ilang nasayran ang usa ka motorsiklo nga adunay sidecar.
Gipahunong kini sa mga otoridad apan pakyas nga nisunod ug nagpakusog kini ug padagan, rason nga gigukod kini sa mga pulis ug nadakpan.
Giila sa Malapatan Municipal Police Station ang nasikop nga si alyas Jay, 34 anyos nga residente sa Barangay Sapu Masla, Malapatan, Sarangani Province.
Nakumpiska sa posisyon sa suspek ang mukabat sa 220 ka mga reams sa Gajah Baru cigarettes nga adunya estimated price nga P188,100.
Sa kasmatangan ang maong suspek ang gikustodiya sa Police Station ug nag-atubang sa kasong pagsupak sa resistance and disobedience to persons in authority, lakip na ang pagsupak sa RA 10863 kon Customs Modernization and Tariff Act.
