Gipaklaro sa Department of the Interior and Local Government (DILG) nga ang kapakyasan sa pag-aresto kang Senador Ronald “Bato” dela Rosa dili tungod sa kakulang sa kaandam sa pagpatuman sa balaod, apan giingong gibase kini sa kasamtangang proseso sa balaod.
Sumala sa DILG, ang basehan sa ahensya mao ang Section 17 sa Philippine Act on Crimes Against International Humanitarian Law, Genocide, and Other Crimes Against Humanity, nga gikutlo usab sa Department of Justice (DOJ).
Ubos niining balaod, ang usa ka indibidwal mahimong itugyan sa International Criminal Court (ICC) o husayon sa usa ka lokal nga korte sa Pilipinas kung adunay katugbang nga warrant nga may kalabotan sa crimes against humanity.
Gipasiugda sa DILG nga gimandoan ni Presidente Ferdinand Marcos Jr. ang mga hingtungdang ahensya, lakip ang Philippine National Police (PNP), nga maghulat sa desisyon sa Korte Suprema sa dili pa mohimo og bisan unsang aksyon kung walay mando gikan sa korte sa nasud.
Si Justice Secretary Fredderick Vida kaniadto miingon nga walay manhunt order nga gi-isyu batok kang Dela Rosa.
Dugang pa nga giinsistir sa DILG nga ang ilang lakang dili pagkawalay aksyon apan pagsunod lamang sa Konstitusyon, due process, ug rule of law sa Pilipinas.
