GENERAL SANTOS CITY – Gipanghimakak ni Dionesia Pacquiao ang migawas nga balita nga gibaligya niini ang mga alahas ug mahalon nga bag nga regalo kaniya sa anak nga si Manny ug umagad nga si Jinkee Pacquiao nga nahalin matud ug P1.3 million.
Dili matud pa tinuod nga iyang gibaligya ang tulo ka kwintas dungan sa pagbutyag nga gigamit lamang ang iyang pangalan aron mahalin ang baligya.
Tulo ka pulseras ug lima ka relo nga nahalin matud pa ug mukapin tulo ka P3 million.
Ang naasoy nga mga bag matud pa ang regalo ni Manny gikan sa lain-laing nasud atul sa away niini.
Gipagawas sa nagpangalan ug Levi Tanpinco ang writer nga dili matud pa interesado nga mapanunod sa anak niini nga si Isidra ang collection nga mga bag ug alahas.
Usa usab sa rason matud pa ni PacMom nga edaran ug wala nay higayon nga gamiton ang naasoy nga mga bag aron kapuslan sa ubang tawo.
Migawas usab nga taga Davao matud pa ang nakapalit sa bag ug alahas niini.
