SPAIN- Usa ka grupo sa mga squatter sa San Miguel de Pedroso, Burgos Province sa Spain ang sentro sa atensyon human sila nagpatakod og alarm system aron bantayan ang usa ka balay nga ilang ilegal nga gi-okupa.
Sumala sa mga residente sa lugar, ang balay ang dugay na nga wala gipuy-an sa tag-iya sa halos duha ka dekada.
Gani gipuy-an kini sa mga squatters.
Apan inay nga sekretuhon, gilabay nila ang tanan nga daan nga gamit sa bintana, nagdala sa ilang mga gamit og nagpatakod pa og alarm system — kumpleto sa pahibalo nga “NO ENTRY.”
Gituyo pa sa mga nasampit nga magparehistro sa lokal nga otoridad aron himuon nga legal ang ilang pagtinir sa lugar apan wala gisugtan.
Gawas sa balay, giangkon usab sa mga squatter ang katapad nga bakante nga lote og gihimo nga kulungan sa ilang mga iro.
Tulo ka reklamo na ang gipasaka sa orihinal nga tag-iya apan wala pay gihimong aksyon ang otoridad.
