Moduso gihapon ang mga opisyal nga motambong sa Senate Committee on Foreign Relations hearing sa executive privilege sa mga pangutana nga dili kinahanglan nga ipahibalo sa publiko.
Matud ni Palace Press Officer nga si Atty. Claire Castro sa press briefing sa Malacañang nga girespeto sa Palasyo ang Senado apan dili angayang hisgutan ang mga sensitibong isyu ug dili angay ipahibalo sa publiko.
Dugang pa nga siyay kasayuran sa gituki nila ni Senate President Francis Escudero ug Executive Secretary Lucas Bersamin, apan matud niya nagpagawas ang iyang buhatan og listahan sa mga motambong sa hearing sa senado kalabot sa pagkasikop ni kanhi Presidente Rodrigo Duterte.
Lakip sa gipaabot nga motambong sa senate hearing mao sila si Justice Secretary Jesus Crispin Remulla, Prosecutor General Richard Anthony Fadullon, ug Chief State Counsel Dennis Arvin Chan.
Lakip usab sa listahan sa mga nanambong mao sila si Department of Foreign Affairs Secretary Enrique Manalo, Philippines Center on Transnational Crime Executive Director Alcantara, Philippine National Poluce Chief General Rommel Francisco Marbil, Department of Migrant Workers Secretary Hans Leo Cacdac, Special Envoy Markus Lacanilao, Atty. RJ Bernal ug Atty. Ferdinand Loji Santiago sa Securities and Exchange Commission.
Ang Malacañang dayag nga wala motugot sa mga dinapit nga opisyal nga makatambong sa ikaduhang pagdungog sa komite tungod sa pagtuo nga ang tanang opisyal nakatubag sa impormasyon nga gustong masayran sa imbestigasyon
