GENERAL SANTOS CITY – Mihangyo ang mga negosyante sa dakbayan nga magpasa og ordinansa kalabutan sa tax relief.
Matud pa ni Ben Claudio presidente sa GenSan Chamber of Commerce and Industry nga wala pa nakabawi ang mga negosyante sa epekto sa COVID 19 nadugangan pa ang problema gumikan sa pagtaas sa presyo sa produktong petrolyo.
Sa pamahayag ni Claudio nga dili usab 100% nga tax relief o kunhuran ang ilang ibayad nga buhis lakip na ang real property tax apan dakong tabang na aron nga mapagamay ang ilang gastos.
Kahibaluan nga personal nga mitambong sa session kagahapong adlawa sa Sangguniang Panlungsod si Claudio ug gipadangat ang ilang hangyo.
Depensa sa mga Konsehal nga kinahanglan usab sa dakbayan ang buhis alang sa serbisyo nga ihatag sa katawhan.
Nasayran nga nahisgutan na kaniadto sa konseho ang pagmugna ug ordinansa sa tax relief apan wala nakapasa tungod daghan ang mibabag.
