GENERAL SANTOS CITY – Nagpaklaro si City PNP Director Col. Gilberto Tuzon, nganong nagpabilin sa selda sa Makar Police Station ang anaa sa dul-an 20 ka bilanggo nga nagpositibo sa COVID 19.
Matud ni Tuzon nga ilang nadesisyonan nga dili dad-on sa isolation facility gumikan adunay lima ka mga high risk nga piniriso nga gaatubang og kaso kalabutan sa ilegal nga droga.
Nabalaka sila nga bahin muikyas ang mga nasampit nga dad-on sa isolation facility .
Gibutyag ni Tuzon nga wala siya gipahibalo nga ipailawom sa swab test sa Rural Health Unit sa Barangay Labangal, ang 25 ka mga persons under police custody (PUPC).
Sa pamahayag ni Tuzon nga aduna silay gipatumang standard operating procedure sa PNP, ilabi sa mga piniriso tungod sa bahad sa Covid-19 busa angayang kini nga respitohon .
Sa pagkakaron sarado ang gate sa Makar Police Station alang sa mga bisita gumikan sa COVID-19 ug walay madala sa Lanton City Jail bisag may commitment order gumikan sa sitwasyon.
Wala usab gadawat ning higayon ang Bureau of Jail and Management Penology (BJMP) tungod daghang bilanggo usab sa ang nagpositibo usab sa COVID 19.
