GENERAL SANTOS CITY – Nagkahiusa ang mga Maranao sa dakbayan nga mutabang sa lokal nga panggamhanan nga maihap ang tanang mga evacuees nga naa sa GenSan gikan sa Marawi City gumikan kagubot.
Matud ni Maranao Employees Vendors Association administrator Macapagal Panugotan, gipahigayon ang Maranao general assembly kagahapon sa moske sa Prk. Islam.
Gipahigayon kini human sa kabalaka sa pipila nga basin adunay nakalusot na sa GenSAn nga Maute members gikan sa Marawi. Sa pahayag niini, dili makatarunganon ang gihimo sa Maute group.
Gibutyag usab ni Ret. Gen. Willie Dangane, maghiusa ang tanan gihangyo ang suporta sa mga administrator sa 11 ka moske sa GenSan nga mga maranao nga makighiusa aron masayran ang tinuod nga ihap sa mga bakwit gikan sa Lanao del Sur kon asa nakuha usab ang positibong tubag sa mga nasampit.
Nag-unang himuon ang profilling sa tanang sakop niini kon asa ipatik sa porma nga ihatag ang finger print sa matag in dibidwal, butangan ug picture.
Tumong niini dili lamang aron masayran ang katibuk-ang ihap sa mga bakwit gikan sa Marawi kon dili aron masayran usab ang tinuod ilhanan sa mga tawo.
