GENSAN– Hangtod pa sa December 31, 2025 ang mga laray vendors gawas sa City Public Market sa dakbayan sa Gensan.
Kini ang gibutyag ni City Mayor Lorelie Geronimo Pacquiao human nga gibutyag niya nga nihangyo kaniya ang mga nasampit nga palugwayan pa ang ilang pagpaninda.
Gibutyag sa mayor nga gihatagan niya og konsiderasyon sa mga nasampit hinungdan nga gitugotan niya nga makabaligya pa sila hangtod sa katapusan ning tuiga apan wala nay extension.
Dungan niini gipasabot usab sa mayor ngadto sa mga laray vendors nga angayang han-ay ang ilang pagpamaligya diha sa Santiago Blvd aron dili makamugna og hugot nga dagan sa trapiko nga maoy gireklamo sa mga publiko.
Gipadayag usab sa mayor ngadto kanila ang katuyoan sa syudad sa pagtukod sa “mallengke’ nga sugdan na tunga tunga nga bahin sa tuig 2026.
Ug gipasalig ni Mayor Pacquiao sa mga laray vendors nga maplastar sila sa lain nga puwesto ayha pa masugdan ang konstruksyon sa maong proyekto.
