Gatusan ka mga babaye nga nagsul-ob og pink ang nagprotesta sa Jakarta, Indonesia, ` batok sa kabangis sa pulisya ug sobra nga mga benepisyo alang sa mga magbabalaod.
Nagdala sila og mga silhig, nga nagsimbolo sa usa ka panawagan sa “pagsilhig sa hugaw sa estado” ug sa pagsumpo sa mga pwersa sa seguridad.
Nagdala usab sila og mga plakard nga adunay mga mensahe sama sa “Reform the police” ug “Your sweet promises cause diabetes.”
Sumala sa Alliance of Indonesian Women, ang protesta gitumong sa pagpakita nga kadaghanan sa mga demonstrasyon malinawon.
Ang mga protesta sa nasud mibuto human ang usa ka sakyanan sa pulisya nakabangga sa usa ka drayber sa motorsiklo nga naghatud sa pagkaon sa miaging semana, nga nagpukaw sa mas lapad nga mga protesta sa tibuuk nasud.
Sumala sa mga grupo sa tawhanong katungod, 10 ka mga tao ang namatay sa nagpadayon nga kagubot sa nasud.
Samtang, nagpadulong sa China si Indonesian President Prabowo Subianto para motambong sa military parade.
Una niyang gikansela kini tungod sa kagubot, apan gipadayon kini sa dihang iyang nakita nga ang sitwasyon “mibalik sa normal.”
Ang National Commission on Human Rights karon nag-imbestiga, samtang ang United Nations nanawagan alang sa usa ka bug-os nga imbestigasyon sa giingong paggamit sa sobra nga pwersa sa mga awtoridad.
