GENERAL SANTOS CITY – Giklaro ni Sammy Malvar, regional director sa BFAR-12, nga dili tanang produktong tuna gikan sa Pilipinas ang gi-recall sa US tungod sa kontaminasyon sa Hepatitis A.
Sa pakighinabi sa Bombo Radyo, gibutyag ni Malvar nga bugtong mga fresh frozen tuna cubes ang gipa-recall nga tuna product gikan sa Pilipinas, nga gikan sa usa lamang ka kumpanya, nga mao ang Sta. Cruz Seafoods Inc.
Partikular matud pa niini ang 188 ka kahon sa sa frozen tuna cubes gikan sa nasampit nga kumpanya. Samtang, gipaklaro sa nahisgutang opisyal kon unsa ang hepa A nga sakit matud pa sa atay sa tawo, nga mapasa pinaagi sa body contact, ug mahimong mapasa pinaagi sa pagkaon.
Posible matud pang gumikan sa wala naghugas ug insakto nga trabahante, o kaha sa hugaw nga tubig ug palibot sa pagproseso.
Hinungdan nga kon kontaminado na ang produkto, hilabi na nga ang fresh frozen cubes ang wala miagi sa heating process, malisod gayud nga matangtang ang maong virus.
Samtang, sa gihimo matud pa nilang pagsusi sa naasoy’ng kumpanya, nasayran nga ang raw materials nga na-proseso na ang giimport gikan sa Indonesia, ug igo lamang nila gi-repack dinhi sa nasud.
Kahibaluan nga gawas sa Pilipinas, lakip sa gipa-recall sa US ang fresh tuna steaks gikan sa nasud Vietnam.
