GENERAL SANTOS CITY – Gipahinumduman ni Sarangani Governor Ruel Pacquiao ang mga empliyado sa Probinsya nga ipakita sa publiko ang syento por syento nga pagserbisyo sa mga tawo.
Kini human nagmando ngadto kang Provincial Administrator Atty. Ryan Ramos nga pahinumduman ang mga empliyado nga dili ipasulabi ang ilang personal nga gibate kini tungod makaapekto sa ilang pagserbisyo.
Kini human giagi sa social media post ang reklamo kalabutan sa pagmaltrato matud pa sa usa ka buntis samtang naadmit sa Sarangani Provincial Hospital.
Wala matud pa nagpukos si Governor Pacquiao sa alegasyon nga gipasakitan sa usa ka hospital staff ang manganakay nga babaye apan gipatutukan ang ngil-ad nga kinaiya sa mga taga gobyerno. Matud ni Atty. Ramos nga nasumite na ni Dr. Brion ang resulta sa imbestigasyon nga kung may sayop nga nahimo ang medical staff adunay disciplinary action nga himuon.
Gawas sa medical staff gireklamo usab ang usa ka gwardiya sa probinsya nga apil nila nga imbestigahan.
