Daling niresponde ang mga bombero sa impormasyon kabahin sa usa ka truck nga nasunog sa Parola, Manila, human makita ang mga hulagway niini nga gi post sa socmed.
Apan pag-abot sa maong lugar, nakurat nalang sila tungod walay nasunog nga truck sa maong lugar.
Nadiskubrehan sa kabomberohan nga gi-edit ang hulagway sa truck nga gipakita kanila sa group chat.
Upat ka mga fire truck, lakip ang usa gikan sa Bureau of Fire Protection, ang niabot sa Parola kaniadtong Huwebes sa buntag dihang nadawat ang gikaingon nga insidente.
Gusto sa usa ka bombero nga adunay tulubagon ang mga naghimo sa ingon nga gi-edit nga mga litrato tungod kay kini naghatag ug kabalaka ug peligro saila, sama sa ilang kaso.
Ubos sa Revised Fire Code of the Philippines of 2008, kadtong mohatag og sayop nga impormasyon kabahin sa sunog mahimong pamultahon og P50,000, ug mag-atubang og reklamong unjust vexation ubos sa Revised Penal Code.
Matod ni Barangay 20 Chairman Anthony Igus, wala silay kasayuran kon aduna ba sa ilang mga residente sa lugar ang nagpaluyo sa fake photo scheme.
