Nakadani og atensyon sa social media ang usa ka Gujarati folk singer human mi-viral ang video nga hapit na siya malubong sa tinumpok nga kwarta.
Sa usa ka Dayro, usa ka tradisyonal nga pasundayag sa Gujarat nga naghiusa og musika, storytelling, ug humor, gitratar sa mga deboto sa Khambhaliya, Junagadh ang bhajan singer nga si Gopal Sadhu pinaagi sa pag-ulan og mga kuwarta samtang nagkanta siya.
Makita sa viral nga video nga nagpadayon siya sa pagtukar og harmonium nga walay kahadlok bisan pa nga gitabonan na siya sa daghang sako sa kwarta, ug nagpadayon gihapon siya sa iyang pasundayag bisan hapit na siya matabonan sa tumpok nga kwarta.
Nagkalat ang video sa social media ug nagdala og lain-laing reaksyon gikan sa pagdayeg hangtod sa debate.
Dili kini ang unang higayon nga nahitabo ang sama niini sa Gujarat, kay sa miaging mga tuig, sama ni Kirtidan Gadhvi, gisabwagan usab og dakong kantidad sa kwarta ang mga bhajan nga pasundayag.
Sumala sa tradisyon, ang mga kwarta nga ihatag sa maong mga kalihokan kasagaran gigamit alang sa mga social cause o charitable purposes.
