GENSAN- Gipangunahan ni City Mayor Lorelie Geronimo Pacquiao ang unang adlaw sa payout sa fuel subsidy alang sa 4,386 ka tricycle drivers nga adunay prangkisa, nga nakadawat og ₱1,500 matag usa kagahapong adlawa, Marso 18, 2026 sa Lagao Gymnasium.
Gipatin-aw sa mayor nga ang programa usa ka inisyatiba sa LGU-GenSan ubos sa AICS Ordinance No. 32, Series of 2023.
Giingon usab niya nga hugot nga gipatuman ang pagsunod sa balaod ug mga requirements sama sa voter’s certificate aron masiguro ang patas ug legal nga pag-apod-apod sa pondo.
Dugang pa niya, wala pa’y iskedyul ang ₱5,000 fuel subsidy gikan sa national government para sa General Santos City.
Magpadayon ang payout sa sunod nga batch karong adlawa sa Oval Gymnasium.
Ang releasing magpadayon hangtod alas dose sa tungang gabii, ug alang sa dili makaanhi, ihatod sa City Treasurer’s Office ang ayuda sa ilang panimalay.
