Daghang tawo ang namatay sa usa ka mass shooting nga nahitabo sa usa ka balay sa rural nga bahin sa Caswell County, North Carolina, Estados Unidos.
Sumala sa North Carolina State Bureau of Investigation, nahitabo ang pagpamusil mga alas-8:30 sa buntag kagahapong adlawa sa usa ka balay sa Brooks Road, Prospect Hill area.
Matud sa mga imbestigador, pag-abot sa mga deputy sa Caswell County Sheriff’s Office sa maong lugar, ilang nakit-an ang pipila ka tawo nga gipusil. Usa ka biktima ang gidala sa Duke University Hospital sa Durham, samtang daghan usab ang namatay.
Wala pa ipahibalo sa mga otoridad ang eksaktong gidaghanon sa mga namatay ug wala pa usab klaro ang hinungdan sa maong pagpamusil.
Padayon ang imbestigasyon diin nagkuha og ebidensya ug nagpangutana og mga saksi ang mga otoridad.
Giingon usab sa mga imbestigador nga wala nay hulga sa publiko may kalabotan sa maong insidente. Ang Caswell County nahimutang sa utlanan sa North Carolina ug Virginia.
