Adunay usa ka pinasahi nga lovestory ang inyohang mabatian karong adlawa.
Naga tuo ba kamo ug ‘destiny?’ tungod murag kini ang nahitabo sa magtiayon sa Colorado USA.
Kaniadtong batan-on pa si Robert Wenrich, nailhan niya ang usa ka maanyag nga babaye nga si Fay Shober pinaagi sa iyahang higala nga igsuon niini.
Pipila ka tuig ang nakalabay sila nagka uyabay ug naminyo kaniadtong November 10, 1951, ug nagkaanak.
Apan tungod sa mga away ug dili pagkasinabtanay sila nag buwag ug natapos ang ilahang relasyon sa divorce tuig 1975 human ang 24 ka tuig nga panaguban.
Sa panahon nga dili na sila minyo pareho sila utro nga nagka pamilya.
Apan kinsay makatuo nga pipila ka tuig ang nakalabay nagbalik ang gugma sa duha ug nagminyo ug utro kaniadtong December 8, 2024.
Napamatud-an nilang Fay ug Robert nga, “Love swetter the second time around.”
Ang ilahang kamanghuran nga anak nga si Carol ang nag asikaso sa tanan alang sa maong kasal.
Matud ni Carol nga nalipay siya nga makita ang iyahang ginikanan nga napuno ug pagmahal sa usag-usa.
Wala na gidetalye sa magtiayon kung unsa ang tinuod nga hinungdan kung nganong nag bulag sila kaniadto, ang importante nila karon ang sila malipayon ug sila mag uban hangtud nga silay adunay kinabuhi.
