GENERAL SANTOS CITY – Milagro nga makonsidera sa mag-uyuan nga nabuhi pa sila human naglutaw-lutaw sa lawod og kapin semana.
Sa exclusive interview sa Bombo Radyo, gibutyag ni Eduardo Daygon, 51-anyos, nagpalawod siya kauban ang pag-umangkon nga si Roberto Daygon niadtong July 29, 2017.
Naabtan sila og bagyo og dayon gikuso-kuso sa dagkong balud og kusog nga hangin hinungdan nga mikulob ang ilang bangka.
Pagkabuntag, gisumpay-sumpay ang mga naguba nga mga bloke nga ilang gidala aron adunay makapyotan samtang galutawlutaw sa dagat.
Sa pamahayag ni Eduardo, nakit-an pa niya sa layo nga bahin sa dagat ang parola sa Indonesia apan sila natabangan.
Hangtud sa mabangalan sila sa mga muslim nga mga mananagat gikan sa Calamansig og gipasakay sila sa gamay nga panagatan.
Gibutyag ni Eduardo nga samtang naglutawlutaw sa dagat ginakaon nila ang styrofoam, kawayan og may lubi silang nakita kon asa gikaon gihapon ang unod bisag baho na. Samtang tubig-dagat lamang ang ilang ginainom.
Nasayran nga halos usa ka bulan pa una nakauli sa ilang pamilya niadtong Agosto 24, 2017 ang mag -uyuan.
Gibutyag ni Daygon, human sila mabangalan sa gamay’ng panagatan, gibalhin sila sa unay kon asa nagtinir pa og pipila ka semana sa dagat tungod nagpaabot pa og deliver una gikuha sa life boat aron makauli na sa ilang pamilya.
