Gipasalig sa Philippine National Police (PNP) nga dili na kinahanglan nga magporma og bag-ong manhunt team aron masubay si Senador Ronald dela Rosa, kinsa gikataho nga gigukod sa mga awtoridad.
Sumala ni PNP Chief Gen. Jose Melencio Nartatez Jr., aduna nay mga operational unit nga nagpadayon sa pagpangita sa senador, busa dili na kinahanglan ang dugang nga manhunt team.
Ang PNP miingon nga padayon nilang gisusi ang tanang posibleng impormasyon bahin sa nahimutangan sa senador, lakip na ang iyang nailhan nga mga adres, kontak, ug mga lugar nga iyang kanunayng adtoan.
Sumala sa pulisya, aktibo nilang gisusi ang tanang posibleng mga lead.
Gipasabot sa hepe sa Pulisya nga ilang gisumite na ang tanan nilang mga rekord ug resulta sa ilang imbestigasyon sa Department of Justice (DOJ) gikan sa pagpabilin ni Dela Rosa sa Senado niadtong Mayo 12 hangtod nga naka-ikyas siya gikan sa mga awtoridad mga alas 2:30 sa kaadlawon niadtong Mayo 14.
