Gipasabot ni Gensan Vice Mayor Atty. Edmar Yumang nga ang Mabuhay Underpass usa ka proyekto para sa katawhan nga resulta sa panagtinabangay sa nagkalain-laing sektor sa gobyerno Ssa Heneral Santos
Matud ni Yumang, dili angay nga angkonon sa bisan kinsa ang maong proyekto tungod kay kini bunga sa hiniusang paningkamot sa mga ahensya ug opisyal nga mitabang aron matuman ang proyekto.
Iyang giklaro nga angay nga magpadayon ang pagserbisyo nga walay sagol nga politika, ilabi na sa mga proyekto nga direktang makatabang sa mga residente sa dakbayan.
Gipahinumdoman usab ni Yumang ang tanang naa sa katungdanan nga magtrabaho og tarong ug unahon ang kaayohan sa katawhan.
Gipahayag usab niya ang kalipay nga sa kataposan naablihan ug magamit na sa publiko ang Mabuhay Underpass, nga gilauman nga makatabang sa pagpaayo sa dagan sa trapiko sa General Santos City. _
