Dako ang pagpasalamat ni General Santos City Mayor Lorelie Geronimo Pacquiao sa tanang mga trabahante nga padayon nga nag-overtime aron masiguro nga mahuman ang Mabuhay Underpass sulod sa gitakdang completion date sa Hulyo 31, 2026.
Matud sa mayor, ang walay kakapoy nga paningkamot, dedikasyon, ug mga sakripisyo sa mga construction workers maoy dakong hinungdan aron mapadali ang paghuman sa proyekto ug dali na kining mapahimuslan sa katawhan.
Gipasalamatan usab ni Mayor Pacquiao si DPWH Secretary Vince Dizon tungod sa padayon nga suporta ug pagdasig aron mapadayon ug mahuman ang maong imprastraktura nga gilauman nga makahatag og mas luwas, mas hapsay, ug mas kombinyenteng pagbiyahe alang sa mga residente sa General Santos City.
Dugang pa sa mayor, gamay na lamang nga pagpailob ang gikinahanglan sa publiko kay hapit na mabuksan ang underpass alang sa tanang molatas niini.
