LTO gapanawagan sa katawhan nga kuhaon na ang mga plate number sa ilang sakyanan

GENERAL SANTOS CITY -Subli nga gapanawagan ang Land Transportation Office ( LTO) 12 sa publiko nga kuhaon na ang plate number sa ilang sakyanan.

Matud pa ni Engr. Macario Gonzaga, Regional director sa LTO 12 nga dugay na sila nga gapawagan sa publiko og gapost usab sila sa social media apan daghan gihapon ang nagpunsisok sa ilang buhatan.

Sa iyang pamahayag nga gipaningkamotan sa ilang buhatan nga masolosyonan ang maong problema apan daghan ang na-mis-inform hinungdan nga wala nakuha ang mga plate numbers sa ilang opisina.

Dili lamang sa mga four wheel vehicles apan lakip sa mga motorsiklo .

Kahibaluan nga daghan ang nangutana nganong unang nakaangkon pa og plate number ang mga bag-ong sakyanan itandi sa mga karaan nga mga sakyanan.