GENSAN – Gidasig sa lokal nga kagamhanan ang tanang mga negosyante nga magpaduol sa opisina sa Business Permits and Licensing Division (BPLD) aron masiguro nga compliant ang ilang mga negosyo sa tanang regulasyon ug makabenepisyo sa nagkalain-laing suporta ug programa sa dakbayan.
Sumala sa BPLD, hangtod Enero 20 na lamang ang gihatag nga panahon sa pagproseso ug pagkuha sa business permit, ug dili na hulaton ang ulahi o ukahing adlaw aron malikayan ang daghang linya, kalangan, ug posibleng penalidad.
Gipahinumduman usab ang mga negosyante nga ang tukmang pagproseso sa ilang permit makatabang sa hapsay nga operasyon sa negosyo ug magpalig-on sa ilang legal nga proteksyon isip rehistradong establisemento sa dakbayan.
Gidasig ang publiko nga sayuhon ang pag-asikaso sa ilang mga papeles ug makigtambayayong sa BPLD aron mapadali ug mapahapsay ang paghatag sa serbisyo sa tanang negosyante.
