Wala nagkulang ang lokal nga panggamhanan sa Jose Abad Santos, Davao Occidental sa pagpahinumdom sa mga residente nga mag-amping ug magbantay ilabi na panahon sa kusog ug padayon nga pag-ulan.
Matud ni Municipal Information Officer Julie Marie Buen, kanunay nilang gipahimangnoan ang mga lumulupyo nga magpabiling alerto tungod sa posibleng hulga sa pagbaha ug pagdahili sa yuta.
Kini may kalabutan sa nahitabo nga landslide sa pipila ka lugar sa Jose Abad Santos nga miresulta sa pagkadaot sa mga kabtangan ug pagpangita sa mga naapektuhan nga residente.
Gipasiguro sa lokal nga panggamhanan nga padayon ang ilang monitoring ug koordinasyon uban sa mga barangay ug mga responder aron mapanalipdan ang katawhan ug mapadali ang paghatag og tabang kung adunay mga emerhensya.
Gihangyo usab ang mga residente nga sundon ang mga pahimangno sa awtoridad ug likayan ang pagpabilin sa mga lugar nga adunay peligro sa panahon sa kusog nga pag-ulan
