Aprobado na sa ikatulo ug katapusang pagbasa ang balaodnon nga maghatag ug libreng lubong sa labing kabos nga pamilyang Pilipino sa nasud.
Ang Senate Bill No. 2965 o mas naila nga Free Funeral Services Act gipasiugdahan ni Senador Raffy Tulfo ug ni Senador Imee Marcos.
Sumala sa balaudnon, ang mga kabus nagtumong sa mga pamilya nga nagkita ubos sa poverty threshold nga gitakda sa National Economic and Development Authority (NEDA) ug kadtong dili makakab-ot sa minimum basic needs sama sa pagkaon, panglawas, edukasyon, pabalay, ug uban pang batakang panginahanglan, nga nalatid sa Republic Act No. 8425 o “Social Reform and Poverty Alleviation Act.”
Ang libreng serbisyo sa lubong ihatag sa mga pamilya nga anaa sa krisis nga mga sitwasyon nga gitino sa Department of Social Welfare and Development (DSWD), lakip na ang mga kabus nga pamilya nga naapektuhan sa mga kalamidad, ug uban pang emergency nga kahimtang.
Ang mga kwalipikado nga mga kabus nga pamilya hatagan ug usa ka “Indigent Funeral Package” lakip ang pag-andam sa mga funeral documents, pagpapa-embalsamo, interment o burial services, transport, ug cremation.
Ang mga akreditado nga punerarya o morgue kinahanglan nga maghatag usa ka lungon o urn.
Isip kabahin sa mga rekisitos aron makuha ang indigent funeral package, ang namatyan nga pamilya o representante kinahanglang mopresentar sa mosunod:
- valid nga identification card sa claimant o beneficiary;
- death certificate nga gisyu sa ospital o city/municipal health officer o certification gikan sa tribal chieftain;
- Funeral contract nga adunay perma sa namatyan nga pamilya ug
- Social case study nga ginandam sa bisan kinsa nfga registered nga social worker.
