GENERAL SANTOS CITY- Nagpaklaro ni Dr. Karl Hill Florida, spokesperson sa IATF sa GenSan kalabutan sa usa ka seafarer nga positibo sa B1.617 o Indian variant.
Sa pamahayag ni Dr. Florida nga pag-abot sa kauluhan sa maong pasyente gi-quarantine og gi-swab makalabay og nasuta nga positibo sa COVID 19.
Sa iyang pamahayag nga adunay guidelines ang Department of Health kon DOH nga gitawag nga time date strategy kung asa gi-tag nga recovered person ang maong tawo hinungdan nga nakauli sa GenSan .
Sa iyang pamahayag nga walay gihuptan nga negative RT- PCR result ang maong seafarer sa pag-uli sa GenSan apan usa ka sertipikasyon gikan sa DOH nga pwede na nga makauli og dili kinahanglan ang swab test .
Kahinumduman nga April 26, 2021 nakaabot sa syudad ang maong pasyente nga aduna pay ubo.
Samtang Abril 2 6 og 27 gi-quarantine sa hotel sa syudad. Nasayran nga Abril 27, miuli sa iyang balay ang nasampit human nga nasuta sa Rural Health Unit nga nakapasa sa mga rekositos alang sa home quarantine.
Samtang Mayo 3, 2021, gi-swab ang nasampit alang sa RT-PCR test og migawas ang resulta Mayo 6, nga negatibo sa virus.
Sa miaging Mayo 11, 2021 nahuman na ang quarantine sa nasampit og sa maong adlaw gipahibalo ang syudad nga ang maong returning overseas filipino ang positibo sa Indian variant.
