GENERAL SANTOS CITY – Mitagana ang LGU-Gensan ug PHP5.8 million aron pakusgan pa ang nagpadayong interventions batuk sa makamatay nga sakit nga dengue.
Matud ni Konsehal Rosalita Nuñez, Chairperson sa Committee on Health and Sanitation ang nagbutyag nga ang naasoy nga pundo ang gamiton sa pagpalit ug tambal, kemikal lakip ang nga himan alang sa anti-dengue operations sa mga barangay.
Ang naasoy matud pa nga pundo ang unang gisogyot sa City Disaster Risk Reduction and Management Council nga kuhaon sa calamity fund.
Kahinumduman nga ang CDRRMC sa pagpanguna ni Mayor Ronnel Rivera, ang nagrekomenda nga magdeklara ug state of calamity gumikan sa nagkataas nga ihap sa na dengue.
Basi sa data sa City Health Office’s epidemiology and surveillance unit adunay nay 791 samtang tulo ang patay sa mga biktima niini gikan Enero hangtud Agusto 9, 2019.
Mas taas matud pa kini ug 45 porsyento kompara sa 544 ka mga kaso miaging tuig.
Hinuon gikadugang ni Nuñez nga dili pa makonsidera nga alarming ang naasoy nga ihap apan dili angayan nga mokompiyansa.
Matud niini nagpasidaan na ang Department of Health nga ang dengue outbreak ang posebli nga musaka pa sa sunod nga mga bulan.
