Miretiro ang usa ka lalaki gikan sa Indiana human makab-ot ang rekord nga 73 years ug 75 days nga pagkalot og lubnganan, usa sa pinakataas nga serbisyo sa maong trabaho.
Nagsugod sa iyang trabaho ang 92 anyos nga si Allen McCloskey sa Galveston Cemetery sa Galveston, Indiana niadtong 1952 sa dihang gihangyo siya nga mopuli sa lokal nga tigkalot og lubnganan sulod lamang sa usa ka semana. Ang temporaryong trabaho nga nagsugod pinaagi sa mano-manong pagkalot sa lubnganan sa ulahi nahimong iyang panginabuhian sulod sa daghang dekada.
Nakab-ot ni McCloskey niadtong 2021 ang Guinness World Record isip pinakataas nga nagserbisyo nga tigkalot og lubnganan sa kalibutan human makatrabaho og 68 years ug 191 days.
Gikumpirma sa iyang anak nga si Dean McCloskey nga opisyal nang miretiro ang iyang amahan niadtong Nobyembre 2025 human mapalawig pa ang rekord niini ngadto sa 73 years ug 75 days.
Gipasabot ni Dean sa usa ka Facebook page nga gipahinungod sa trabaho sa iyang amahan nga nagplano pa unta kini nga magpadayon sa pagkalot sulod sa pipila ka semana, apan nakadesisyon nga mohunong tungod sa kahimtang sa iyang panglawas bisan og mas maayo na kini karon.
