Mihimo na usab si David Rush sa U.S. ug Guinness World Record alang sa “Longest Duration Balancing a Chair on the Chin” human gibalanse ang usa ka lingkuranan sa iyang suwang sulod sa 1 ka oras, 20 minutos ug 30 segundos.
Gipildi niya ang miaging rekord nga 1 hour, 19 mins. ug 17 sec. nga nahimo kaniadtong 2021 sa naghupot sa rekord sa Espanya nga si Christian Roberto López Rodríguez.
Si Rush mihimo sa iyang malampuson nga pagsulay sa rekord sa West Boise YMCA sa Idaho, gamit ang usa ka hamtong nga gidak-on nga lingkuranan nga may gibug-aton nga 4 lbs (pnds) ug may sukod nga 31.5 ka pulgada ang gitas-on.
Ang iyang estratehiya mao ang pagtipas sa lingkuranan ug ipahiluna ang likod niini sa iyang suwang samtang naghangad.
Bisan pa sa pipila ka hapit mahulog, nakahimo siya sa pagpugong sa lingkuranan gikan sa pagkahulog.
Pag-abot niya sa oras nga gikinahanglan aron mabawi ang record, nagsaulog si Rush samtang gibalanse pa ang lingkuranan sa iyang suwang.
Si Rush, nga adunay kapin sa 180 ka titulo sa Guinness record, naila sa paggamit ug ordinaryo nga mga butang alang sa talagsaong mga hagit sa world record.
