Usa ka bag-ong linog nga may sukod nga 5.5 sa Richter scale ang miigo sa Meiktila, Central Myanmar, kaniadtong Domingo sa buntag, sumala sa U.S.
Ang linog maoy usa sa labing kusog nga aftershocks human sa 7.7 magnitude nga linog nga natala sa nasud niadtong Marso 28, nga nakamugna og grabeng kadaot ug nakalas sa kinabuhi.
Diin 3,649 ka mga tawo ang namatay ug kapin sa 5,000 ang naangol tungod sa 7.7 magnitude nga linog.
Sumala sa Myanmar Meteorological Department, ang bag-ong linog nahitabo sa lungsod sa Wundwin, duol ra sa Mandalay, Myanmar.
Walay report sa kaylap nga kadaot o dugang kaswalti sa bag-ong linog, apan daghang mga residente ang gipabakwit tungod sa kakusog sa linog.
Ang United Nations nabalaka nga ang krisis sa kahimsog ug ekonomiya sa Myanmar mosamot tungod sa kadaot nga gipahinabo sa mga linog, taliwala sa nagpadayon nga giyera sibil ug kapin sa 3 milyon nga mga tawo ang gikataho nga nawad-an sa ilang puy-anan.
Ang linog nahitabo sa unang adlaw sa Thingyan, ang tulo ka adlaw nga pagsaulog sa tradisyonal nga Bag-ong Tuig sa Myanmar.
Ang mga selebrasyon karong tuiga gikansela tungod sa katalagman.
