GENERAL SANTOS CITY – Gitawag nga oportunista ni Police Major Oliver Pauya, labaw sa Traffic Enforcement Unit sa kapulisan sa syudad ang mga drayber nga sobra kung maningil tungod gihimo nga rason gumikan sa mahal nga gasolina.
Matud ni Pauya nga nakapabor gani ang mga drayber dinhi sa Gensan tungod mas barato ang gasolina kung ikumpara sa uban nga lugar.
Gikadugang niini nga ang dakbayan ang may pinakamahal nga pamasahe luyo nga didto sa Tacurong, Sultan Kudarat, ug ubang kasikbit nga lugar kinse man lamang ang pamasahe sa traysikol.
Maisugon nga gibutyag nga igo lamang gihatagan ug proteksyon ang kadaghanan nga gasakay ug traysikol mga naglisod sa panginabuhi.
Matud niini nga dili personal ang pagsita sa mga traysikol kung walay gi display nga taripa tungod apil nagreklamo ang mga estudyante nga inihap ng daan ang ilang kwarta paingon sa tulunghaan.
Nasuko matud pa kini sa mga dili desiplinado, abusado, ug mapahimuslanon nga drayber.
Kamandu-an niini sa mga sakop nga kung may masita nga traysikol nga walay taripa buhatan ug dokumentasyon sa bayolisyon aron masilutan.
Kung tan-awon, pwede na matud pa silang panakpon tungod wala sila nag apply ug prangkisa luyo nga gihatagan na ug lugway nga higayon aron mag-asikaso.
