Magpasa ug urgent resolution ugmang adlawa sa sesyon si City Councilor Edmar Yumang aron dugangan ang unang ordinansa nga magpahamtang ug silot sa mga musupak sa mga health protocol.
Kini ang pag-impluwensiya sa mga public official sa mga medical practioner aron ipagawas ang usa ka LSI u ROF sa isolation facility.
Kini ang pahayag ni Yumang human nalambigit ang pipila ka opisyal sa syudad aron mapagawas sa isolation facility ang usa ka indibidwal nga positibu sa coronavirus disease.
Gawas niini angayan usab nga imbestoigahan ang kinsa mang opisyal may kalambigitan sa pagkuha sa mga indibidwal sa mga isolation facility ug kung mapamatud-an nga sad-an tangtangon sa pwesto ug prisuhon.
Una nga gikumpirma niini nga may session ugmang adlawa tungod responsibilidad nila isip nga magbabalaud.
Dili matud pa babag sa sesyon ugmang adlawa ang dili pagpatim-aw sa pipila ka Konsehal kini human gituhu-an nga walay personal nga kontak ang mga Konsehal nga miadto sa haya ni Evelyn Te.
Hinuon adunay laing opsyon nga himuon aron masiguro ang kahimtang sa mga Konsehal ipahigayon nila ang sesyon pinaagi sa virtual.
