GENERAL SANTOS CITY -Gilaumang mutambong sa sesyon sa Sangguniang Panglungsod ning adlawa ang opisyal sa City Social Welfare and Development Office aron maghatag ug update kung pila na ang mga bakwit gikan sa Marawi City nga ania karon sa dakbayan.
Kini human giimbitahan sila aron masayran ang mga gihimong lakang ug kon asa kasamtangang gapuyo ang mga nasampit.
Matud ni City Councilor Brix Tan, daghan ang gapangutana kung luwas pa ba ang dakbayan gumikan sa pagdaghan sa mga internally displaced persons kon IDPs dinhi sa siyudad.
Buot usab masayran sa katawhan kung unsa ang gihimong lakang sa kapulisan ug sa lokal nga panggamhanan kalabot niini.
Lakip nga ipatawag ang kapulisan ug ubang mga opisyal kalabutan sa maong isyu.
Kahibaluan nga ubay-ubay na ka mga IDPs gikan sa Marawi ang gapuyo sa nagkadaiyang mga barangay sa siyudad.
Ginapailawom ang mga nasampit sa profiling, samtang may gihatag na usab hinabang ang siyudad alang kanila.
