GENERAL SANTOS CITY – Nakahalf mast ang bandera sa Camp Paulino Santos sa Tambler ning syudad lakip sa mga police station gumikan sa pagbangutan sa kapulisan sa rehiyon gumikan sa kalit nga kamatayon ni Patrolman Fahad Asmi Masula 25 anyos nga residente sa Cacub Koronadal City.
Kini human giila sa kapulisan ang dedikasyon og serbisyo sa nahisgutan nga sakop sa Regional Mobile Force Battalion 12.
Mismong si OIC PRO 12 Regional Director Brig. General James Gulmatico ang mitunol sa iyang pahasubo sa kamatayon sa iyang sakop.
Ang nahisgutang biktima ang namatay human sa vehicular accident nakalabay nga adlaw sa National Highway, Purok 2, Barangay Glamang, Polomolok, South Cotabato.
Pauli na matud pa ang biktima sa Gensan dihang naka-head on collision sa maneho niini nga Sedan ang dumptruck nga maneho ni Ronnie Torino nga residente sa Upper Klinan, Polomolok.
Nasuta nga Oktobre 18 saulogon unta sa biktima ang iyang adlaw nga natawhan.
