Gihulagway ni Donald Trump isip “totally unacceptable” ang tubag sa Iran sa mga proposal sa United States aron matapos ang gubat.
Sumala pa nga ang proposal sa Iran nga gipadala pinaagi sa Pakistan naglakip sa paghunong sa gubat, pagtapos sa US naval blockade ug garantiya nga wala nay sunod nga pag-atake batok sa Iran.
Dugang pa niini, gipasiugda ni Israeli Prime Minister Benjamin Netanyahu nga kinahanglan una matangtang ang enriched uranium stockpile sa Iran sa dili pa matapos ang gubat.
Samtang, mipahayag si Iranian President Masoud Pezeshkian nga dili sila mopasakop sa ilang mga kaaway bisan pa sa mga negosasyon.
Sa pagkakaron, padayon gihapon ang tensyon sa Middle East samtang ginabantayan sa kalibotan ang posibleng resulta sa negosasyon tali sa Iran, US ug Israel.
