GENERAL SANTOS CITY – Dili makapasaka ug kaso silang Police Chief Inspector Renato Salarda sa Makar Police Station batok sa mga responsable nga misulong sa gi-okopa nga lugar sa mga Olarte sa Hacienda Espina sa Brgy Labangal ning siyudad.
Kini tungod walay migawas nga witness sa maong panghitabo.
Gibutyag ni Chief Instr. Salarda nga walay namahayag kalabot sa maong panghitabo.
Usa sa gitudlong rason mao nga nahadlok ang mga nakakita nga balikan sa mga armado.
Gumikan niini dili mahatag sa kapulisan ang hustisya sa mga biktima nga silang Bernard Bernal ug Sixto Bellarmia nga mga sakop sa RQA security Agency.
Kahinumduman nga ang maong pagpanulong sa mga armadong grupo ang hinungdan nganong nagpagawas ug kamandu-an si City PNP director Maximo Layugan aron mugnaon ang Task Force 973 sa lugar.
