GENERAL SANTOS CITY – May person of interest na sa suspek nga mipusil patay sa usa ka panday milabayng adlaw.
Kini ang nahimong pahayag ni Police Major Ulf Tabucon, hepe sa Tambler Police station.
Gani nagpadayon matud pa ang pursuit operation batuk sa mga suspek hinuon gina validate pa sa mga otoridad ang impormasyon ug ilhanan sa mga nahisgutan.
Matud ni Tabucon nga land conflict ang usa sa gilantaw nga motibo sa maong pagpamusil.
Kahinumdoman nga pasado alas syete sa gabii niadtong Dominggo, Hulyo 28, 2024 naa sa likod nga bahin sa ilang panimalay ang biktima kuyog ang uyu-an ug silingan nga nagdula ug dama dihang kalit miabut ang suspek ug gipusil sa makatulo ka higayon ang biktima hinungdan nga naigo sa li-og nga milahos sa abaga.
Tulo matud pa ang mga suspek hinungdan nga ilang gikolekta ang mga kuha sa CCTV sa lugar sa pamsain nga mailhan ang mga suspek nga giingon nga naglakaw lamang.
