Nagpabiling bukas ang Lokal nga Pangagamhanan sa General Santos City alang sa mga tricycle driver nga gustong makakuha og opisyal nga prangkisa sa pagbiyahe sulod sa dakbayan.
Matod ni Mayor Lorelie Pacquiao, ginapadali na usab ang pagproseso sa mga dokumentadong aplikasyon aron matabangan ang mga tsuper nga makakompleto sa ilang prangkisa.
Gipatin-aw usab sa alkalde nga base sa rekord sa Sangguniang Panlungsod, walay nakit-ang report o ebidensya nga adunay mga tricycle gikan sa Polomolok o mga tricycle nga lahi og kolor nga ilegal nga misulod ug nagbiyahe sulod sa General Santos City.
Gipasabot ni Pacquiao nga prayoridad sa lokal nga panggamhanan ang mga lehitimong tricycle driver sa dakbayan.
Samtang, ang mga tricycle nga gikonsiderar nga “kolorum” sa pagkakaron giila na sa Public Safety Office o PSO ug naghulat na lamang sa pormal nga pag-apruba sa ilang prangkisa gikan sa Sangguniang Panlungsod
