Lima ka tripulante sa oil tanker, napatay sa mga pirata sa Somalia

Napatay sa mga pirata ang lima ka tripulante sa Palau-flagged oil tanker samtang anaa sa kadagatan sa Somalia.

Sumala sa mga awtoridad sa Somalia, namatay na ang lima ka biktima sa wala pa nila maluwas ang mga sakay sa MT Honour 25.

Giisip kini nga unang higayon sulod sa pipila ka dekada nga adunay gipatay nga mga pirata sa Somalia.

Ang MT Honour 25 adunay kargang mokabat sa 18,500 ka bariles nga lana.

Gisakop sa mga pirata ang maong barko sukad pa niadtong Abril 21.

Ang mga biktima mao ang tulo ka Pakistani, usa ka Indian ug usa ka Myanmar national.

Matud sa Puntland Maritime Police Force o PMPF, luwas na ang barko ug anaa na sa kontrol sa gobyerno.