Napugos sa pag-emergency landing ang usa ka pampasaherong eroplano nga padulong unta sa Israel human gidunggab sa usa ka piloto ang iyang kaubang piloto.
Gikan sa Dubai ang maong eroplano ug padulong sa Tel Aviv sa dihang kalit kining mikanaog gikan sa gihabogong 17,000 feet, hinungdan nga gipaagi ang flight sa laing ruta padulong sa Saudi Arabia.
Nagtinabangay ang mokabat sa lima ka pasahero sa eroplano aron mapugngan ang suspek nga giingong misulay sa pagpahugno sa eroplano.
Naaresto ang suspek human luwas nga nakalanding ang eroplano.
Gitawag usab ni Israeli Defence Minister Israel Katz ang insidente nga usa ka “jihadist terror attack.”
Nagpadala na og laing eroplano ang Flydubai ngadto sa Tabuk Airport sa Saudi Arabia aron sunduon ang mga pasahero nga na-stranded didto.
