Mukabat na sa kapin 300 ka mga evacuees ang anaa karon sa Calumpang Gymnasium sa General Santos City human mapugos sa pagbiya sa ilang mga panimalay tungod sa pagbaha nga dala sa kusog nga pag-ulan kagahapong adlawa.
Kadaghanan sa mga gipnaghikling gikan sa mga lugar nga grabeng naapektuhan sa pagsaka sa tubig-baha, ilabina sa Barangay Calumpang.
Sa kasamtangan, nahatagan na ang mga evacuees sa ilang nag-unang panginahanglanon sama sa pagkaon, tubig nga mainom, ug uban pang relief assistance pinaagi sa lokal nga panggamhanan ug sa City Social Welfare and Development Office (CSWDO).
Padayon usab ang pagmonitor sa mga otoridad sa kahimtang sa mga evacuees ug sa mga apektadong komunidad aron masiguro ang ilang kaluwasan ug ang padayon nga paghatag og angay nga tabang.
