Nasuta nga si kanhi President Rodrigo Duterte ang mipirma isip legal counsel sa iyang anak nga si Vice President Sara Duterte sa petisyon sa Supreme Court aron ipaundang ang impeachment trial.
Base sa kopya sa petisyon, lakip usab sa iyang legal team ang iyang ugangan nga si Atty. Lucas Carpio Jr., ug pipila pa nga law firm.
Sa miaging Pebrero 18, gisang-at ni VP Duterte ang petition for certiorari and prohibition og mihangyo alang sa temporary restraining order (TRO) ug writ of preliminary injunction.
Sa petisyon, iyang gihangyo usab sa Korte Suprema nga magpagawas og pinal nga kamandoan aron ipawalay-bili ang ikaupat nga impeachment complaint nga gisang-at sa Kamara batok kaniya niadtong Pebrero 5 kung asa 215 magbabalaod ang mipirma sa reklamo.
Ang petisyon ni VP Duterte ang bulag pa sa nauna nga petisyong gipasang-at sa usa ka grupo sa mga abogado gikan sa Mindanao.
