General Santos City | Hingpit nga gidawat sa Department of Social Welfare and Development Region 12 kon DSWD-12 ang kamaduan kanila nga limpyuhan ang listahan sa benepisyaryo sa 4P’s.
Sumala pa ni Regional Director Restituto Macuto sa DSWD-12 nga una paman ang kamanduan ni DSWD secretary Erwin Tulfo ila na kining gihimo. Gibutyag pa niini nga padayon ang ilang pagpanglimpyo sa mga listahan hilabi pa kung aduna silay madawat nga mga report nga ang usa ka pamilya ang ni arang arang na ang kinabuhi hinungdan ilang gi validate.
Sumala pa sa opisyal nga kinahanglan ang revalidation aron masiguro gayud kung angayan nga tanggalon sa listahan o dili ang usa ka benepisyaryo.
Usa matud pa sa mga hinungdan nganung matanggal sa mga listahan ang mga 4Ps beneficiary kung nigradwar na ang ilang anak ug ni arang arang usab ang ilang panginabuhian nga angayang ihatag na usab sa ubang mas nanginahanglan.
