Nagbangotan pag-ayo ang mga kabanay sa mga gipanghostage sa mga militante sa Palestine.
Gani, nagbakho og hinilak ang mga tagtungod human nga nakaplagan ang mga lawas niini sa usa ka tunnel sa habagatang bahin sa Gaza.
Giila ang mga gipanghostage nga Israeli nationals nga mao sila Almog Sarusi, Alexander Lobanov, Carmel Gat, Hersh Goldberg-Polin, Eden Yerushalmi ug Ori Danino.
Nakaplagan ang lawas sa mga nahisgutan kaniadtong Setyembre 1 ning tuiga.
Ang maong pagpangatake nagsugod kaniadtong Oktobre 7,2023 diin mikalas na og 1,205 ka kinabuhi sa tawo.
Samtang, gibasol usab sa mga kritiko si Israeli Prime Minister Benjamin Netanyahu gumikan sa kakulangon sa pagpaningkamot niini nga maangkon ang ceasefire aron nga mabuhian ang lain pang mga bihag.
Gani, nanawagan ang daghang mga Israeli nga undangon na an kagubot gumikan dugay na matud pa silang nagbayad ug nanghinaot nga mao na kini ang pinakaulahi aron nga makabalik na sa ilang tagsa-tagsa ka mga pamilya ang mga gipanghostage.
