-- ADVERTISEMENT --
Lima ang gikatahoang namatay sa sunod-sunod nga long-range strikes tali sa Russia ug Ukraine.
Sa Odesa region, usa ang namatay ug tulo ang nasamdan human giatake sa Russia ang usa ka barko nga naglayag ubos sa bandila sa Liberia. Samtang duha ang namatay sa Ukrainian strike sa Russian-occupied Luhansk ug usa sa Zaporizhia.
Gi-atake usab sa Russia ang Northern Bridge sa Kyiv diin duha ang nasamdan. Kini na ang ikaduhang tulay sa Kyiv nga giatake sa Russia sulod lang sa duha ka adlaw.
Gipahimangnoan usab sa Russian Foreign Ministry ang mga diplomat ug mga langyaw sa Kyiv nga mobiya sa siyudad tungod sa risgo sa dugang pag-atake.
