Usa ka dakong pagsulay ang giatubang karon sa katawhan sa Jose Abad Santos, Davao Occidental human sila naapektuhan dili lamang sa bag-o nga mga pagbaha ug landslide, kondili apil usab sa kusog nga linog nga miigo sa maong lugar niadtong Hunyo 8, 2026.
Matud ni Municipal Information Officer Julie Marie Muda Buen, usa kini ka dakong hagit alang sa lokal nga panggamhanan kung unsaon nila pagdumala ug pag-atubang sa sunod-sunod nga kalamidad nga nakaapekto sa ilang mga residente.
Sumala ni Buen, padayon ang paningkamot sa lokal nga panggamhanan sa paghatag og tabang ug suporta sa mga naapektuhan samtang gipalig-on usab ang ilang mga pamaagi sa pag-andam ug pagtubag sa mga emerhensya.
Gipahayag usab niya nga dako ang panginahanglan sa kooperasyon sa mga residente aron mas mapadali ang pagbangon sa komunidad gikan sa mga hagit nga ilang giatubang.
Nagpadayon ang monitoring ug assessment sa lokal nga panggamhanan aron matubag ang mga panginahanglan sa katawhan ug masiguro ang ilang kaluwasan.
