Nakurat ang mga bisita sa 27th Asian Pet Show nga gipahigayon sa Shanghai, China tungod sa gipa-apil nga usa ka Mexican dog nga adunay tattoo ang tibuok likod niini.
Paspas nga mikatag sa Chinese social media, ang mga hulagway sa maong iro atol sa show nga gipahigayon sa Shanghai New International Expo Center kondiin ang mga iro maoy apil sa pinakasikat nga atraksyon.
Mapasigarbuhon pa nga gipakita sa tag-iya ang artwork sa likod sa iro nga nagkumpirma nga tinuod ang tattoo ug gipanghinambog pa nga wala kini gamiti og ‘anesthesia’ tungod sa giingong kataas sa tolerance niini sa sakit.
Ingon man nga nakausbaw usab kini sa kalagot sa mga ‘animal lovers’, kondiin daghan ang nangayo og public apology gikan sa tag-iya ug nangayo usab sila og pagpasabot gikan sa organizer sa show.
