Mas mihinay pa ang natala nga inflation rate o katibuk-ang paglihok sa presyo sa mga palaliton og serbisyo sa nasod niadtong Hulyo.
Sa usa ka presscon karong adlawa, Agosto 5, gireport ni Philippine Statistic Authority (PSA) USec. og National Statistician Dennis Mapa nga mihinay sa 0.9% ang inflation rate sa miaging bulan sa Hulyo, ang pinakahinay nga natala karong tuiga.
Kung ikumpara kaniadtong Hunyo 2025, kini 1.4% nga mas hinay og ubos usab sa 2% hangtod 4% nga target nsa economic managers.
Giklaro sa PSA official nga ang mas hinay nga inflation sa Hulyo gumikan sa mas hinay nga pagtaas sa presyo sa pagkaon og non-alcoholic beverages ingon man sa utility costs.
Padayon usab ang pagkunhod sa inflation karong tuia taliwala sa pagkunhod sa mga presyo sa bugas.
Giklaro usab sa PSA chief nga bisag adunay nakita nga pagkunhod sa mga presyo sa bugas kung asa nakatabang ang programang baynte pesos nga bugas sa gobyerno, adunay mga pagtaas usab sa ubang mga items o palaliton partikular na ang pagsaka sa presyo sa kada kilo sa baboy tungod sa problema sa suplay gumikan gihapon sa African Swine Fever ingon man sa presyo sa manok og isda nga nahimong substitute sa baboy.
Sa gulay usab nakaangkon og pagtaas tungod sa epekto sa sunod sunod nga bagyo og habagat nga miigo sa milabay nga tuig.
