Nagpadayon ang imbestigasyon batok sa uban pang mga personalidad nga nalambigit sa drug war ni kanhi Pangulong Rodrigo Duterte nga giakusahan og crimes against humanity sa International Criminal Court (ICC).
Matod kang ICC spokesman Fadi El Abdallah, padayon sa pag-imbestiga ang ICC prosecutor og iyang opisina kabahin niini og kung may paigong ebidensiya, i-presenta nila kini sa ICC judges og magdesisyon ang judges kung mag-isyu og arrest warrants sa mga nalambigit nga indibidwal.
Sa karon, wala pa sila naghatag ug dugang detalye sa uban pang mga indibidwal nga giimbestigahan tungod sa confidentiality niini nga mahinongdanon para masiguro ang kalampusan sa imbestigasyon.
Bisag walay gibutyag nga pangalan ang ICC spokesman, una ng gibutyag ni Senator Ronald “Bato” Dela Rosa nga nagsilbing PNP Chief og implementer sa drug war sa panahon sa Duterte administration, gilauman na niya nga siya ang musunod nga dakpon sa ICC.
Gawas kay Dela Rosa, una ng gitumbok sa Department of Justice (DOJ) si retired police chief Oscar Albayalde nga lakip sa mga nag-unang subject sa nagpadayong imbestigasyon sa ICC.
