Posibleng madaot ang imahe sa Philippines sa international community kung dili niini tumanon ang mando sa International Criminal Court o ICC, sumala ni Atty. Luis Salazar.
Matod pa niya, nakita sa ubang nasod nga daw adunay pag-apil-apil sa Senado sa legal nga proseso, hinungdan nga mahimong moubos ang pagsalig sa sistema sa hustisya sa Pilipinas.
Dugang niya nga ang pipila ka gamhanang nasod ilabi na ang European Union posible usab nga molikay sa mas hugot nga pakigrelasyon sa nasod tungod niini.
Giingon usab sa abogado nga kung magpadayon ang gobyerno sa pagbalewala sa giingong crimes against humanity maapektuhan pag-ayo ang standing sa Pilipinas sa internasyonal nga legal nga komunidad. Busa, iyang gipasiugda nga dako ang epekto sa kasamtangang baruganan sa gobyerno ngadto sa imahe sa nasod sa kalibotanong lebel.
